O entorno de castiñeiros e a ubicación semienterrada proporciona as condicións idóneas de temperatura repouso e silencio que contribúen a que os viños elaborados nesta adega resalten as súas características máis específicas.

Os viñedos repártense en tres fincas na ribeira dereita do Miño. Situadas a media ladeira e perfectamente orientadas ó medio día, fan destes terreos pedregosos excepcionais zonas de cultivo.

Cepas vellas con máis de 50 anos e modernas plantacións combínanse para acadar, en variedades como a Mencía, unha maior calidade na nosa uva.